每個人都有自己既過去
我都唔例外．．．難道有過去都有錯嗎？？
但過去既事唔係應該不必再再重提既咩?
唔係過去左就等去過左去
最重要係而家
只要我不重蹈覆轍就已經無問題嗎?
但．．人們早已帶了有色眼鏡去睇

每當人們見到我的過去，就會講『嘩!乜你以前咁架!咁唔乖架!』
我卻一臉無奈
自己做當然要自己認
我承認自己有做過愚蠢的行為
我承認自己有睇唔開的時候
我承認自己傷害自己
我唔會刻意去掩飾
但亦不會刻意去解釋點解
因為我曾經試過解釋，但人們早已有偏見，解釋有用咩?!
那喜歡點講就點講
我有我的過去
難道這也是一種罪?!

每當我看到身體的疤痕
我就知道有d 野永遠都唔會過去
我唔後悔自己一世都有疤痕
因為每人都有自己唔開心，做錯過的過去
只不過，我的過去卻永遠留在我身
不斷提醒我有咁既過去
原來，過去既未必真係過去

有d 野，雖然未必真係有實質紀錄
但不等於從未存在過，未發生過
總有一些銘記在心
不同既係，這些事不是容易被發現

有時要遇一些挫折，方可學懂奮鬥努力
如果成日都『符符碌碌』咁過左關，反而令自己更加鬆懈
好似唔駛點努力都可以成事，咁努力黎做乜wor!
正因為咁既心態，人開始腐化。
每一日都好似冇咩目標可言。
可能未嘗過徹底的失敗，未曾跌過，怎會去奮鬥

我真係想努力奮鬥，但每次就俾客觀的成績影響
老實說，每次測驗，我都用短既時間溫書，甚至睇兩睇就算
而得出既成績都不過不失。
就係咁，我忘了何謂努力
每當我諗住『今次一定要加油先得』，點知有心無力
如果想考好呢個高考，咁樣繼續落去，只會.........

所以，我真的願意今次考試一敗塗地
雖然到時拎成績表，我一定好唔開心，嚎哭，而且又會俾人鬧
不過，我相信一段時間後，我會發奮
我知付出過未必一定會有收穫，
但總算對得起自己，盡過力
今個暑假希望我真係可以將勤補拙

今天我願生性   使雙親最喜悅是要爭氣   不忍使你失望盡我全力

點解可以滿口仁義道德，但做又係另一套?
點解可以為了係呢個世界上生存而不惜違背良知?
點解可以咁利益化，有損自己既野係唔係做?
點解可以咁虛偽，究竟為了o的乜?
點解可以任何一樣野都可以係一種工具來利用?
不斷學習點做人，係咪都只係為了係社會立足生存?搵多d 錢ja?

我一直當你為朋友看待!!!咁究竟你當我係乜呀?係朋友?係同學?定係一種工具?我真係大惑不解!!!有人話中學既友情係最純最真!!!!係有既，不過唔係我同你!!朋友係咁既咩??!!!可能我地既友情只不過建於中學生涯!!!大概讀完中七，亦不了了之，不是嗎?你我應心照!!

我想講:呢個中六一d 都唔開心!!!

錢財未算緊要　賠命亦不緊要
神奇在我識得守知己戒條
如若腦海天天都會發燒
誰開得起這玩笑
人和人緣份總有浪潮
讒言未算緊要　罵戰我不緊要
隨著美酒三杯乾了　就當呀講笑
回望至今　就是沒完沒了
體恤彼此的需要　甚麼都可以忘掉
即使良朋　仍未必心照

心軟．這是我的弱點嗎??!!

只要別人講多兩講，我就會好易心軟。往往因為咁有時明知自己唔多得閒都會幫左人地做野先；有時明明唔多想做，但最終亦會承認左。成日俾朋友話我要企硬d !!要識拒絕人!!這年，我開始冇咁心軟，但當然好多時我亦繼續衰心軟!!

因此，我而家有d怕我會對你心軟呀!!因為我唔想見到你唔開心。我唔想有人因為我而唔開心，我更唔想將自己的開心建於別人痛苦身上，我寧願一切痛苦由我承受，始終都係我累左你。我真係唔識面對你!! 我唔敢再聽你電話，我唔希望因心軟而做錯任何一個決定!!唯有暫時放低，俾心機去讀書先。

原來真係會日久見人心架.....

=] 其實我好享受如此暢所欲言，不必讓人知道我身份，亦不必讓人問長問短，感覺這個blog 是結自己看的。不錯不錯!!

我要錫哂你一個，寵壞你，唔可以呃你，應承你既事要做到，
講每句都要係真心，唔可以蝦你，唔可以話你，要信哂你。
人地蝦你，我第一時間出黎撐你；
你開心時，我會替你開心；
你唔開心時，我會(乙水)返你開心。
要永遠覺得你最靚，發夢都會只見到你，
係我心入面只有你。

曾經我都想愛人會咁樣同我講，因為我覺得好似好甜蜜咁，不過而家講呢ｄ野再無辦法感動到我。因為我知呢ｄ野根本就做唔到。無謂俾希望自己，再令自己失望丫!!也許，唔單只你變左，我都變左，你令我對愛情更死心，令我更不敢信人，更加保護自己!!最重要，我對你的態度變左。從你sd 俾我既msg，使我睇到事實上，我倆無法再溝通落去。大概，我比你更心痛，但我知你只會認為係我問題，係我hurt 左你，人地心中我永遠都係衰人黎架喇。

問誰可保證你可靠　 諾言是否終生有效

下雨天．總掛念從前

明明今早天氣都好好。雖然陽光唔多，但至少都冇落雨丫! 可是，當婆婆進入火化場時，突然就落起大雨，雨聲令到各人更加傷心哭泣。是悲天憫人嗎?

我記得---每逢極度唔開心，天總會是落雨。雨水淋濕我身，同是亦淋濕我眼。這是巧合嗎?

『求求老天淋濕我的雙眼，冰凍我的心』

一向我對雨天都不抗拒，反而好鍾意落雨。可能人們會覺得麻煩，又要帶遮又會弄濕身，不過其實落雨令人感到很灑脫很瀟灑，亦令人想起很多野。有時，淋下雨會令人更清醒添。一切在乎自己點睇落雨ja!!

有時...做人別太天真

天真地相信你會對我很好

天真地以為你會對兌承諾

天真地認為你與他人不同

天真地為你而繼續信有愛

天真地盡力去為你而著想

發現一切一切都是假的，開始懊悔自己當初為何背叛自己的原則，相信仍有愛存在。我應該明白以前狠狠被傷害的感受，為何又再重蹈覆轍?! 是我太笨，還是太天真?!人變了質後，往往就具有很大殺傷力，但是人會變，月會圓，這是正常的事!! 那又怎可躲避呢?! 無奈，此刻，他仍不覺得有問題，反而推卸說我心情不佳，想得太多。事實，是這樣嗎?? 我寧願將所有責任攬上身，亦不願繼續痛苦!!